काठमाडौं । चौतारी लघुवित्तको आइपीओमा ३५ गुणासम्म पर्ने अनुमान गरिएको छ । उक्त कम्पनीको सेयर खरिदका लागि शुक्रबारसम्म २३ गुणा बढी आवेदन परेको बिक्री प्रवन्धक एनआइबीएल एस क्यापिटलले जानकारी दिएको छ । आज आवेदन दिने अन्तिम दिन बढी पर्ने भएकाले उक्त अनुमान गरिएको हो ।
चौतारीको आइपिओमा अत्याधिक आकर्षण देखिएको बिक्री प्रबन्धक एनआइबीएल एस क्यापिटलको भनाइ छ । कम्पनीले मंसिर १९ गते देखि ५ लाख ६० हजार ७०० कित्ता आइपीओ बिक्री खुला गरेको हो ।
कुल ६ लाख कित्तामध्ये ९ हजार ३०० कित्ता (०.५०५) सेयर कर्मचारी र ३० हजार कित्ता (५५) सेयर म्युचुअल फन्डलाई छुट्याएर बाँकी सेयर सर्वसाधारणलाई बिक्री गर्न खुला गरेको हो ।
यसमा न्यूनतम ५० कित्तादेखि अधिकतम ३ हजार कित्तासम्म आवेदन दिन पाउने व्यवस्था छ । चौतारीको जारी पुँजी १८ करोड ६० लाख रुपैयाँ रहेको छ । यसमध्ये १२ करोड ६० लाख रुपैयाँ संस्थापक सेयरधनीबाट चुक्ता भइसकेको छ ।
२०७५ मंसिर २३ गते प्रकाशित
वि.सं.२०७५ मंसिर २३ आइतवार १०:३४ मा प्रकाशित
