काठमाडौं । नेपाल नेपाल टेलिकमले प्रतिकित्ता ५५ रुपैयाँ नगद लाभांश दिने भएको छ । टेलिकमको सोमबार बसेको सञ्चालक समितिको बैठकले आर्थिक वर्ष २०७४ ०७५ को वितरण योग्य नाफाबाट लगानीकर्ताहरुलाई उक्त नगद लाभांश दिने निर्णय गरेको हो ।
कम्पनीले अघिल्लो आर्थिक वर्षमा पनि प्रतिशेयर ५५ रुपैयाँ नगद लाभांश वितरण गरेको थियो । प्रस्तावित लाभांश नेपाल सरकारबाट स्वीकृती प्राप्त भएर टेलिकमको ११ औं वार्षिक साधारण सभाले अनुमोदन गरेपश्चात मात्र वितरण हुनेछ ।
टेलिकमले चालु आर्थिक वर्षको पहिलो त्रैमासमा ४ अर्ब ४९ करोड ६ लाख ४४ हजार ५२१ रुपैयाँ खुद नाफा कमाएको छ । चालु आर्थिक वर्षको पहिलो त्रैमासमा टेलिकमले ४ अर्ब ४९ करोड ६ लाख ४४ हजार ५२१ रुपैयाँ खुद नाफा कमाएर प्रतिशेयर आम्दानी ११९ रुपैयाँ ७५ पैसा कायम गरेको छ ।
२०७५ पौष ३ गते प्रकाशित
वि.सं.२०७५ पुस ३ मंगलवार ११:५८ मा प्रकाशित
