काठमाडौं । नेपाल लाइफ इन्स्योरेन्सले आफ्ना सेयरधनीका लागि ४८.५ प्रतिशत लाभांशको प्रस्ताव गरेको छ । यो कम्पनीको फागुन १७ गते बसेको संचालक समितिको २८२ औं बैठकले आर्थिक वर्ष २०७४र७५ को मुनाफाबाट कुल ४८.५ प्रतिशत लाभांश वितरणको घोषणा गरेको हो ।
कम्पनीले आफ्ना सेयरधनीलाई २५ प्रतिशत बोनस सेयर र कर प्रयोजनको समेत गरी २३।५ प्रतिशत नगद लाभांश वितरणको घोषणा गरेको हो । यो हिसाबले कम्पनीले बोनस सेयरको रुपमा १ करोड ९ लाख ९२ हजार ३२१।६२ कित्ता सेयर बोनसको रुपमा वितरण गर्नेछ । यस्तै, नगद लाभांशको रुपमा १ अर्ब ३ करोड ३२ लाख ७८ हजार २३२.२८ रुपैयाँ वितरण गर्नेछ ।
यो प्रस्ताव बिमा समितिबाट स्वीकृत भएपछि र कम्पनीको आगामी वार्षिक साधारणसभाबाट पारित भएपछि कार्यान्वयनमा आउनेछ ।गत वर्ष नेपाल लाइफले ४२ प्रतिशत बोनस सेयर र २८.५३ प्रतिशत नगद लाभांश गरी कुल ७०.५३ प्रतिशत लाभांश वितरण गरेको थियो ।
इन्स्योरेन्सले चालू आर्थिक वर्षको दोस्रो त्रैमासमा १० अर्ब ४७ करोड ५४ लाख रुपैयाँ खुद बीमा शूल्क आर्जन गरेको छ भने २८ करोड ५ लाख रुपैयाँ खुद नाफा गरेको छ ।
चुक्ता पूँजी ४ अर्ब ३९ करोड रुपैयाँ रहेको कम्पनीले यस अवधिमा प्रतिशेयर आम्दानी १२ रुपैयाँ ७६ पैसा, प्रतिशेयर नेटवर्थ १९३ रुपैयाँ ३८ पैसा र मूल्यआम्दानी अनुपात ८६।५२ गुणा बढी छ।
२०७५ फागुन १९ गते प्रकाशित
वि.सं.२०७५ फागुन १९ आइतवार १२:५९ मा प्रकाशित