काठमाडौं । आज मध्य र पूर्वी क्षेत्रमा वर्षाको अनुमान गरिएको छ । बर्षाको सङ्केत देखेपछि जल तथा मौसम पूर्वानुमान महाशाखाले सचेत रहन आग्रह गरेको छ ।
आज बिहान धेरैजसो स्थानमा हल्कादेखि मध्यम वर्षा भएको महाशाखले जनाएको छ । बिहानीपख काठमाडौं उपत्यकासहित मध्यभागमा भारी वर्षा भएको जनाउँदै दिउँसो पनि सचेत रहनु पर्ने महाशाखाका मौसमविद् मीनकुमार अर्याल बताए । उनकाअनुसार पश्चिमतर्फ पोखरा र मध्य पश्चिमका केही स्थानमा वर्षा भएको भए पनि पश्चिमतिर त्यति खतरा छैन ।
मध्य र पूर्वी भूभागमा भारी वर्षाको सम्भावना भने उस्तै रहेकोले सजग हुन आग्रह गरिएको छ । महाशाखाका अनुसार बिहीबार बिहान चितवन, महोत्तरी, धनुषा, सिन्धुली र आसपासका क्षेत्रमा पनि वर्षा भएको छ । यस्तै, शुक्रबार पनि मध्य र पूर्वी भूभागमा वर्षा बढी हुने महाशाखाको भनाई छ ।
२०७६ साउन २ गते प्रकाशित
वि.सं.२०७६ साउन २ बिहीवार ११:०२ मा प्रकाशित
