काठमाडौं । प्राइम कमर्शियल बैंकका प्रमुख कार्यकारी अधिकृत (सिइओ) नारायणदास मानन्धरले बैंकको चुक्ता पुँजी २२ अर्व रुपैयाँ पुर्याउने बताउनुभएको छ ।
बैंकमा चौथो कार्यकालका लागि पुनः नियुक्त हुनुभएका मान्धरले राष्ट्र बैंकको नीतिअनुसार मर्जर र एक्विजिशनमा जोडदिदै चुक्ता पुँजी बढाउने बताउनुभएको हो ।
बैंकको स्थापनाकाल देखि नै सीईओको भूमिकामा रहनुभएका मानन्धर बैंक तथा वित्तीय संस्था सम्बन्धि नयाँ ऐनले सीईओले दुई कार्यकाल काम मात्र गर्न पाउने गरेको व्यवस्था पछि भने उहाँको यो दोस्रो कार्यकाल हो ।
बैंकले अधिकृत पुँजी २२ अर्ब रुपैयाँ बनाईसकेको जानकारी दिदै एक/ढेड वर्षभित्र चुक्ता पुँजी २२ अर्ब रुपैयाँ पुर्याउने जानकारी दिनुभयो ।
प्राइम बैंकमा एउटा वाणिज्य बैंक र केही विकास बैंक मर्ज गराउने योजनाका साथ काम भईरहेको साथै मर्जर तथा एक्विजिशनमा जाँदा पुँजी पनि बढ्ने, विजनेश पनि बढ्ने र नाफा पनि नघट्ने उहाँले बताउनुभयो ।
मानन्धर ५० वर्षदेखि निरन्तर बैंकिङ क्षेत्रको कार्यमा अनुभवि हुनुहुन्छ ।
२०७६ साउन १९ गते प्रकाशित
वि.सं.२०७६ साउन १९ आइतवार ०८:२२ मा प्रकाशित
