वीरगञ्ज । नेपाल विद्युत प्राधिकरण वीरगञ्ज वितरण केन्द्रले आर्थिक वर्ष वर्ष २०७५/७६ मा ३६ करोड ६३ लाख ७१ हजार ५ सय २९ युनिट विद्युत् बिक्री गरी ४ अर्ब पाँच करोड ८२ लाख ७९ हजार १८७ राजश्व सङ्कलन गरेको छ ।
प्राधिकरणले आर्थिक वर्ष २०७५/७६ मा ३६ करोड ६३ लाख ७१ हजार ५ सय २९ युनिट विद्युत बिक्री गरी ४ अर्ब पाँच करोड ८२ लाख ७९ हजार १८७ राजश्व सङ्कलन गरेको छ । त्यसैगरी आव २०७४/७५ मा रु ३२ करोड २४ लाख आठ हजार २२ युनिट विद्युत् बिक्री गरी रु तीन अर्ब २८ करोड ६६ लाख ६४ हजार ९० राजश्व सङ्कलन गरेको थियो । शुरुमा १० दशमलव ७३ प्रतिशत विद्युत् चुहावट हँुदै आएको बारा, पर्सामा चुहावट घटाउने लक्ष्य लिएपछि अहिले ४ दशमलव ९६ प्रतिशतमा चुहावट झरेको छ । प्राधिकरणलाई रु २० करोड नाफा भएको केन्द्रका प्रमुख मुनीन्द्र ठाकुरले बताउनुभयो ।
नेपाल विद्युत प्राधिकरण वीरगञ्ज वितरण केन्द्रले ग्राहकसँग रहेको रु ४० करोड बक्यौता रकम उठाउन सकेको छैन । प्राधिकरणले आफ्ना ४६ हजार ग्राहकलाई विद्युत सेवा उपलब्ध गराउँदै आएकामा ग्राकहसँग बाँकी रहेको अझै रु ४० करोड उठाउन बाँकी रहेको केन्द्रलले जनाएको छ ।
बाँकी रहेका सो बक्यौता रकम उठाउन प्राधिकरणले विद्युत् लाइन काट्ने, जनचेतना फैलाउने जस्ता काम गर्दै आएको छ ।
आव २०७५/७६ मा विभिन्न तरिकाबाट उद्योगले रु ५१ लाख ४६ हजार ४ सय ४१ युनिट विद्युत् चुहावट गरेकोले ८० वटा उद्योगलाई कारवाही गरी रु पाँच करोड ५३ लाख ११ हजार ६सय ६५ जरिवाना असुल गरेको छ । विद्युत् चोरी गरी चुहावट गर्दै आएका अन्य ग्राहकबाट प्राधिकरणले रु ३१ लाख २८ हजार ३ सय १७ जरिवाना असुल गरेको छ ।
यसैगरी विद्युत् खपत गरी राजश्व नबुझाउने र कालो सूचीमा रहेका ९२ जना ग्राहकबाट रु ४९ लाख २८ हजार ३ सय ४९ राजश्व सङ्कलन गरेको छ भने समयमा पैसा नबुझाउने ७ सय १२ जना ग्राहकको लाइन काटेर रु छ करोड एक लाख १० हजार ६१७ बक्यौता रकम उठाएको छ ।
लामो समयदेखि विद्युत् मिटर खराब रहेकोले विद्युत चुहावट बढ्दै जादा १ सय ५० वटा उद्योगको मिटर हटाएर नयाँ मिटर लगाएको छ । मिटर खराब हँुदा कम विद्युत् बिल उठने भएकोले वास्तविक खपत युनिट देखा परोस् भनेर प्राधिकरणले नयाँ मिटर जडान गरी विद्युत चुहावट रोकेको छ । यसै क्रममा प्राधिकरणले साना ग्राहकको ४ सय ७८ वटा बन्द रहेको मिटर बदली रु ४२ लाख २६ हजार ७ सय ४७ राजश्व उठाएको छ ।
२०७६ साउन १९ गते प्रकाशित
वि.सं.२०७६ साउन १९ आइतवार १६:४६ मा प्रकाशित
