काठमाडौं । लुम्बिनी विकास बैंकको १७.०७ प्रतिशत बोनस सुरक्षित गर्नका लागि मंगलबार (साउन २१ गते) सम्म पाउने छन ।
साउन २८ गते हुने साधारण सभा प्रयोजनको लागि बैंकले बुधबार (साउन २२ गते) देखि बुक क्लोज गर्दैछ ।
लुम्बिनीले आर्थिक वर्ष २०७४/७५ को नाफाबाट ३७ करोड ७१ लाख ९७ हजार २३६ रुपैयाँ बराबरको बोनस सेयर वितरण गर्न लागेको हो । मंगलबार सम्म कायम सेयरधनीले मात्र बोनस सुरक्षित गर्नेछन ।अमृतभोग कालिकास्थान काठमाडौंमा, बिहान ११ बजे सुरु हुने साधारण सभामा नियामक केन्द्रीय बैंकले लुम्बिनीको बोनस सेयर स्वीकृत गरिसकेको छ । बैंकले प्रबन्धपत्र तथा नियमावली संशोधन गर्ने अर्को प्रस्ताव पनि पेश गर्दैछ ।
त्यस्तै, आर्थिक वर्ष २०७४/७५ को वार्षिक प्रतिवेदन लगायत अन्य प्रतिवेदन पारित गर्ने, आर्थिक वर्ष २०७५/७६ का लागि लेखापरीक्षक नियुक्ति र पारिश्रमिक निर्धारण गर्ने अर्को एजेन्डा पनि रहेको छ । अन्य कुनै बैंक तथा वित्तीय संस्था गाभ्न वा गाभिन परेमा त्यसको सम्पूर्ण अख्तियारी सञ्चालक समितिलाई दिने प्रस्ताव पनि पेश हुनेछ ।
हाल यस बैंकको चुक्ता पुँजी २ अर्ब २० करोड ९७ लाख रुपैयाँ रहेको छ । बोनस वितरणपछि चुक्ता पुँजी २ अर्ब ५८ करोड ६९ लाख रुपैयाँ पुग्नेछ ।
२०७६ साउन १९ गते प्रकाशित
वि.सं.२०७६ साउन १९ आइतवार १७:१५ मा प्रकाशित
