काठमाडौं । ग्लोबल आइएमई लघुवित्त वित्तीय संस्थाको भोलि (साउन २१ गते) बाट १०० प्रतिशत हकप्रद सेयर बिक्री खुला हुँदैछ । कम्पनीले प्रतिकित्ता १०० रुपैयाँ दरले १ः१ अनुपातमा ११ लाख ४ हजार ५७५ कित्ता हकप्रद सेयर बिक्री गर्न लागेको हो ।
यसमा असार ३१ गतेसम्म कायम सेयरधनीले मात्र आवेदन दिन सक्नेछन भने भदौ २३ गते कार्यालय समयभित्र यसमा आवेदन दिइसक्नु पर्नेछ । ग्लोबल आइएमई लघुवित्त वित्तीय संस्थाको अधिकांश शाखा कार्यालयबाट हकप्रद भर्न सकिनेछ भने बिक्री प्रबन्धकको काम लक्ष्मी क्यापिटल मार्केटले गर्नेछ ।
यो हकप्रदलाई इक्रा नेपालले ग्रेड ४ प्लस रेटिङ प्रदान गरेको छ । हाल यसको चुक्ता पुँजी ११ करोड ४ लाख ५७ हजार रुपैयाँ र कम्पनीले यही पुँजीबाट १०० प्रतिशत हकप्रद जारी गर्न थालेको हो ।
हकप्रद बिक्री गरेपछि चुक्ता पुँजी २२ करोड ९ लाख १४ हजार रुपैयाँ पुग्नेछ ।
२०७६ साउन २० गते प्रकाशित
वि.सं.२०७६ साउन २० सोमवार ०७:२१ मा प्रकाशित
