काठमाडौं । नेपाली बजारमा सुनको मुल्य दिनानुदिन उकालो लागिरहेको छ । साताको दोस्रो दिन सोमबार सुनको मूल्य एकैदिन एक हजार ५ सय रुपैयाँले बढेर अर्को रेकर्ड कायम गरेको छ ।
आइतबार मात्र ६६ हजार ३ सय रुपैयाँमा खरिद बिक्री भएको छापावाला सुनको मूल्य सोमबार प्रतितोला ६७ हजार ८ सय रुपैयाँमा खरिद बिक्री भइरहेको छ । नेपाल सुन चादी महासंघका अनुसार तेजावी सुन ६७ हजार ५ सय रुपैयाँमा खरिद बिक्री भइरहेको छ ।
सुनको मूल्यले नेपाली बजारमा दिनदिनैै नयाँ रेकर्ड कायम गर्न थालेको छ । गत साउन १६ गतेदेखि बढ्न थालेको सुनको मूल्य बढेर दिनदिनै नयाँ उचाइमा पुग्ने गरेको छ ।
२०७६ साउन २० गते प्रकाशित
वि.सं.२०७६ साउन २० सोमवार १२:२२ मा प्रकाशित