काठमाडौं । मंगलवार छापावाला सुनको मुल्य ६८ हजार रुपैयाँ पुगेको छ ।
सोमवार १५ सय रुपैयाँले बढेर प्रतितोला ६७ हजार ८ सय रुपैयाँमा कारोबार भएको सुनको मुल्य मंगलवार २ सय रुपैयाँले वृद्धि छ । यो अहिलेसम्मकै उच्च मूल्य पनि हो ।
अन्तर्रा्ष्ट्रिय बजारमा भाउ चुलिएसँगै नेपाली बजारमा पनि त्यसको प्रत्यक्ष प्रभाव परेको हो । यसअघि स्थानीय बजारमा गत असार ९ गते सुन उच्च भाउ प्रतितोला ६५ हजार ५ सय रुपैयाँमा कारोबार भएको थियो । त्यसपछि भाउ केही तल झर्ने क्रम सुरु भए पनि अहिले फेरि बढ्न थालेको हो ।
नेपाल सुनचाँदी व्यवसायी महासंघका अनुसार मंगलबार नेपाली बजारमा तेजाबी सुन पनि प्रतितोला ६७ हजार ७ सय रुपैयाँ र चाँदी प्रतितोला ७ सय ९५ रुपैयाँमा कारोबार भएको छ ।
उता, सुन व्यापारीहरुले भने यसरी दिनानुदिन मुल्य वृद्धि भइरहँदा सुनको प्रतितोला ७० हजारसम्म पुग्न सक्ने अनुमान गरेका छन ।
वि.सं.२०७६ साउन २१ मंगलवार १२:१२ मा प्रकाशित
