काठमाडौं । नेपाल इन्सुरेन्सले आगामी भदौ ८ गते साधारण सभा बोलाएको छ । कम्पनीको साउन १५ गते बसेको सञ्चालक समितिको बैंठकले भदौ ८ मा साधारण सभा गर्ने निर्णय गरेको हो ।
साधारण सभा कार्की एयरपोर्ट होटल सिनामंगल काठमाडौंमा बिहान ११ बजे सुरु हुनेछ । सभा प्रयोजनका लागि कम्पनीले साउन २४ गते शुक्रबार बुक क्लोज गर्नेछ । यस आधारमा साउन २३ गते बिहीबार सम्म कायम रहने सेयरधनीले मात्र सभामा भाग लिन र लाभांश सुरक्षित गर्न सक्नेछन् ।
सभामा यसअघि घोषित ७.५ प्रतिशत बोनस सेयर प्रस्ताव पेश हुनेछ । तर बोनसमा लाग्ने कर तिर्ने झन्झट भने सेयरधनी आफैंले व्यहोर्नुपर्नेछ ।
२०७६ साउन २१ गते प्रकाशित
वि.सं.२०७६ साउन २१ मंगलवार १३:४५ मा प्रकाशित
