काठमाडौं । नेपाली बजारमा सुनको मुल्यले उकालो लाग्ने क्रम जारी छ । दिनप्रतिदिन सुनको मुल्यमा नयाँ रेकर्ड बन्ने क्रमले बुधबार पनि निरन्तरता पाएको छ ।
बुधबार छापावाल सुन प्रतितोला ६९ हजार ५ सय रुपैयाँ पुगेको छ । मंगलबारको तुलनामा १५ सय रुपैयाँले वृद्धि भएको हो । यो अहिलेसम्मकै उच्च मूल्य पनि हो । मंगलबार पनि सुनको भाउ २ सय रुपैयाँले बढेर प्रतितोला ६८ हजार रुपैयाँमा कारोबार भएको थियो ।
नेपाल सुनचाँदी व्यवसायी महासंघका अनुसार बुधबार नेपाली बजारमा तेजाबी सुन पनि प्रतितोला ६९ हजार २ सय रुपैयाँ र चाँदी प्रतितोला ८ सय १० रुपैयाँमा कारोबार भएको छ । तेजाबी सुन पनि मंगलबारको तुलनामा १५ सय रुपैयाँले बढेको हो ।
२०७६ साउन २२ गते प्रकाशित
वि.सं.२०७६ साउन २२ बुधवार १३:१९ मा प्रकाशित
