काठमाडौं । सनराइज बैंकले कुपण्डोलमा शाखा सञ्चालनमा ल्याएको छ । बैंकले आफ्ना ग्राहकहरुलाई सेवा र सुविधा उपलब्ध गराउने अभिप्रायले देशका विभिन्न भागमा शाखा सञ्चालन गर्दै आइरहेकोमा १ सय १७ औं कुपण्डोलमा शाखा संचालनमा ल्याएको हो ।
ललितपुर महानगरपालिकाका मेयर चिरीबाबु महर्जन र सन्राइज बैंकका सञ्चालक समितिका सदस्य ई. बच्छराज तातेडले संयुक्त रुपमा शाखा कार्यालयको उद्घाटन गरेका थिए ।
हालसम्म सनराइज बैंकले १ सय १७ वटा शाखा, ३८ वटा शाखारहित बैंकिङ्ग सेवा, ५ वटा एक्सटेन्सन काउण्टर र १ सय ३५ वटा ए.टि.एम मार्फत आफ्ना ५ लाखभन्दा बढी ग्राहकहरुलाई सेवा प्रदान गर्दै आइरहेको छ ।
२०७६ साउन २४ गते प्रकाशित
वि.सं.२०७६ साउन २४ शुक्रवार ०७:१६ मा प्रकाशित