भक्तपुर । सूर्यबिनायक नगरपालिका–८ सिपाडोलमा कल्पित वाइल्ड लाइफ एग्रो सेन्टरले पहिलो पटक सरकारबाट स्वीकृति लिएर व्यवसायिक रुपमा कालिज पालन सुरु गरेको छ ।
स्थानीयहरुमा होटल व्यवसाय गर्दै आएका आषिश उपाध्यायले ‘रिङ नेक’ जात ३ सय कालिज व्यवसायिक रुपमा पाल्न सुरु गरेका हुन । यूरोपबाट ल्याएका ४ हजार अण्डा ल्याई ह्याचारीमा उत्पादन गर्न दिइएको र चल्ला उत्पादनपछि यहाँ ४ हजार भन्दा बढी हुने उपाध्यााले जानकारी दिए ।
करिव १५ लाख लगानी गरि आफ्नै २ रोपनी र भाडाको ८ रोपनी जग्गा कालिज पाल्न सुरु गरेका उनले बताए । करीब ६ महिना पालेपछि मात्र कालिज खानलाई योग्य हुन्छ । एक दिने चल्लालाई प्रति गोटा २ हजार रुपैयाँमा खरिद गरेर ल्याइएको कालिज बजारसम्म पुग्दा ३ हजार ५ सय देखि ४ हजारसम्ममा बिक्री गर्न सकिने उपाध्यायले जानकारी दिए ।
कालिज सामान्य कुखुराको जस्तै प्रोटिन बढी भएको दाना खाने गर्दछन । दैनिक तीन पटक दाना र दुई पटक पानी खुवाउने गरिन्छ ।
२०७६ साउन २४ गते प्रकाशित
वि.सं.२०७६ साउन २४ शुक्रवार १५:४२ मा प्रकाशित