काठमाडौं । अघिल्लो वर्ष १ अर्ब ८५ करोड ३७ लाख खुद नाफा आर्जन गरेको एनएमबि बैंकले आर्थिक वर्ष २०७५/७६ को अन्त्यससम्म आइपुग्दा २ अर्ब ३१ करोड रुपैयाँ खुद नाफा कमाएको छ ।
गत वर्षको यहि समयावधिको तुलनामा यो नाफा २४.६१% ले बढी हुन आउँछ । यसका साथै बैंकको खुद ब्याज आम्दनी ४६.९१% बाट बढेर ४ अर्ब २६ करोड ६१ लाख रुपैयाँ पुगेको बैंकले जनाएकोछ । बैंकको खुद ब्याज आम्दानीका साथ साथै सञ्चालन नाफा पनि अघिल्लो वर्षको तुलनामा २८.०२% ले बढेर ३ अर्ब २७ करोड ८७ लाख रुपैयाँ पुगेको छ ।
यसका साथै बैंकको कस्ट अफ फन्ड पनि ०.२०% ले घटेको छ । यि सम्पूर्ण पक्षले बैंकको खुद नाफा बृद्धिलाई सहयोग पुर्याएको हो । यसका अलावा निक्षेप संकलन र कर्जा लगानी पनि क्रमशः १६.५८% र २१.७०% ले बढेको छ ।
बैंकको रिटेन्ड अर्निङ भने २३.३५% ले घटेर १ अर्ब ७९ करोड २९ लाख रहेको छ । बैंकको प्रतिसेयर आम्दानी (वार्षिक) २४ रुपैयाँ ९ पैसा र प्रतिसेयर नेटवर्थ १८१ रुपैयाँ ४९ पैसा रहेको छ । वितरण योग्य नाफा भने १ अर्ब २७ करोड ४७ लाख ९३ हजार रुपैयाँ छ ।
२०७६ साउन ३० गते प्रकाशित
वि.सं.२०७६ साउन ३० बिहीवार ११:३० मा प्रकाशित