रुपन्देही। सत्तारूढ दल नेपाल कम्युनिष्ट पार्टी(नेकपा) प्रदेश पाँचका प्रमुख सचेतक भूमिश्वर ढकालको घरमा बम प्रहार भएको छ । रुपन्देही सैनामैना, सात रामपुर कलौनीमा रहेको उनको घरमा गएराति तीन वटा पेट्रोल बम प्रहार भएको हो ।
घरका तीनवटा कोटा र उनले प्रयोग गर्ने लु एक ज चार पाँच छ नम्बरको गाडीमा लक्षित गरी बम प्रहार भएको प्रहरीले जानकारी दिएको छ । बम प्रहारवाट घरको झ्यालका सिसा फुटेका छन भने गाडीमा क्षति पुगेको छ ।
मोटरसाइकलमा आएका तीन जनाको समूहले घरमा बम प्रहार गरेको बताइएको छ । प्रहरीले घटनाको बारेमा अनुसन्धान भैरहेको जनाएको छ । सचेतक ढकाल चार दिनदेखि काठमाडौँको मेडिसिटी अस्पतालमा उपचाररत छन ।
२०७६ साउन ३१ गते प्रकाशित
वि.सं.२०७६ साउन ३१ शुक्रवार ०८:३० मा प्रकाशित