काठमाडौं । प्रभु लाइफ इन्स्योरेन्स कम्पनीले गत आव २०७५/७६ को लेखा परीक्षण नभएको वित्तीय विवरण प्रकाशित गरेको छ । कम्पनीले गत आवमा ३ करोड ८१ लाख रुपैयाँ खुद नाफा कमाएको छ ।
कम्पनीले अघिल्लो आव २०७४/७५ मा ४ करोड ३१ लाख रुपैयाँ खुद नाफा कमाएको थियो । कम्पनीले गत आवको चौथो त्रैमाससम्म ५४ करोड ७९ लाख रुपैयाँ बीमा शुल्क आर्जन गरेको छ । कम्पनीले असार मसान्तसम्ममा ४९ करोड २४ लाख कुल आय गर्दा २४ करोड १० लाख रुपैयाँ खर्च गरेको छ ।
गत आवको चौथो त्रैमासमा कम्पनीको चुक्तापूँजी १ अर्ब ४० करोड रुपैयाँ रहेको छ । गत आवको चौथो त्रैमासमा कम्पनीले जगेडा कोषमा ७ करोड ७५ लाख रुपैयाँ जम्मा गरेको छ ।
समीक्षा अवधिसम्म कम्पनीको कुल दाबि भुक्तानी रकम ६९ लाख रहेको छ भने भुक्तानी हुन बाँकी रकम १ लाख ९९ हजार रुपैयाँ रहेको छ ।
२०७६ साउन ३१ गते प्रकाशित
वि.सं.२०७६ साउन ३१ शुक्रवार ०९:३० मा प्रकाशित
