काठमाडौं । शिवम् सिमेण्ट लिमिटेडले गत आव २०७५/७६ को अपरिस्कृत वित्तीय विवरण प्रकाशित गरेको छ । कम्पनीले गत आवमा १ अर्ब ५० करोड रुपैयाँ खुद नाफा गरेको छ ।
अघिल्लो आवमा कम्पनीले १ अर्ब १४ करोड रुपैयाँ नाफा गरेको थियो । कम्पनीको नाफा अघिल्लो आवको तुलनामा ३१ प्रतिशत बढेको हो ।
कम्पनीले अघिल्लो आवको तुलनामा सिमेण्ट १० प्रतिशतले बढी विक्री गरेको छ । अघिल्लो आवमा कम्पनीले १० अर्ब २६ करोड बराबरको सिमेण्ट विक्री गरेको थियो भने गत आवमा ११ अर्ब ३४ करोड रुपैयाँ बराबरको विक्री गरेको छ ।
कम्पनीको चुक्तापूँजी गत अवाको तुलनामा १३ प्रतिशत बढेर ४ अर्ब ४० करोड रुपैयाँ छ । कम्पनीको जगेडा कोषमा ३ अर्ब २२ करोड रुपैयाँ रहेको छ । कम्पनीको प्रतिशेयर आम्दानी ३४.१६ रहेको छ भने प्रतिशेयर नेटवर्थ १९४.७५ रहेको छ ।
२०७६ साउन ३१ गते प्रकाशित
वि.सं.२०७६ साउन ३१ शुक्रवार ०९:४९ मा प्रकाशित