राजेशचन्द्र राजभण्डारी, बागलुङ । संचार तथा सुचना प्रविधि मन्त्रि गोकुल बास्कोटाले देशमा कानुन भन्दा माथि पत्रकारिता पनि नभएको बताए ।
बागलुङ बाट प्रकाशित हुने ढोरपाटन राष्ट्रिय दैनिकको १६ औ बार्षिकोत्सव तथा संघीयतामा समृद्धि बिययक बहस कार्यक्रमको उद्घाटन गर्दै मन्त्रि बास्कोटाले राज्यको परिवर्तन जे गरियो त्यो अनुसारको निती हुनुपर्ने अब समृद्धि कुनै दलको नारा नरहेको बताएका हुन ।
साथै मन्त्री बास्कोटाले ढोरपाटनको अस्तित्व मेटिने गरि हाइड्रोपावर बनाउने कुरा चलिरहेको छ त्यो साच्चै हो भने त्यो ठिक नहुनेम जोड दिए ।कुनै पनि ठाउँमा बिकास गर्दा त्यहा भएको संरचना नभत्किने गरेर गर्नुपर्ने बास्कोटाले भने । करिडोर देशको भबिस्य भएकाले यसलाई मित्रताको भावना राखेर जानसक्ने हुनुपर्ने उनले बताए ।
अहिलेको शिक्षा ब्यबहारिक नभएको कारणले हामी पछाडि परेको उनले भने हाम्रो नेपाली रोगगारीको लागि बिदेश जान्छौं तर भारतीय नेपालमा आएर यहीँबाट अरबौ रूपैया लग्छन् हामीले कामलाई चिन्न नसकेको मन्त्रीले भने । समृद्धिको स्वाद नेपाली खाने बेला आएको उनले बताए ।
कार्यक्रममा संघीय सांसद देवेन्द्र पौडेल, सांसद सुर्य पाठक, बागलुङ नगरपालिकाका प्रमुख जनकराज पौडेल, नेपाल पत्रकार महासंघका केन्द्रीय महासचिव रमेश बिष्ट, नेपाल पत्रकार महासंघका पुर्व महासचिव उजिर मगर, पोखरा महानगर पालिकाका प्रवक्ता धनबहादुर परियार लगायतका बक्ताहरूले संघीयता समृद्धिको चाहिने तत्वहरू खोजेर जान सकेको खण्डमा हामी लक्ष्यमा पुग्न सक्ने धारणा राखेका थिए ।
पत्रिकाको बार्षिकोत्सवमा बागलुङ बाट २००८ सालमा प्रकाशित हस्तलिखित पत्रिकाका सम्पादक ओमकार प्रसाद गौचन लाई सम्मान गरिएको थियोे ।
चितवनमा दुई दिन देखि चलेको आन्दोलन अहिले भएको राजनीति लाई असफल बनाउने खेल भएको कार्यक्रममा बक्ताहरूले भने ।
मिडिया काउन्सिल बिधेयक अहिलेसम्म टुंगो लागेको छैन अहिले पनि छलफलमा रहेको धारणा समेत राखेका थिए, चाडो भन्दा चाडो फास्ट ट्रायक बाट प्रेस कानुन ल्याउन समेत सुचना मन्त्रीलाई अनुरोध गरेका थिए । क्लिन फिड सम्बन्धि कुरा बाहिर ल्याएपनि त्यसलाई भने ठिक ढंगले अगाडि जान नसकेको धारणा राखेका थिए ।
२०७६ भदौ १ गते प्रकाशित
वि.सं.२०७६ भदौ १ आइतवार १०:४१ मा प्रकाशित
