काठमाडौं । नेको इन्सुरेन्सले गत आर्थिक वर्षको अन्त्यसम्ममा खुद नाफा ३४ करोड ३६ लाख ४६ हजार पुर्याएको छ । अघिल्लो वर्ष भन्दा नाफा १३.६२ प्रतिशतले धेरै हो । अघिल्लो वर्ष नेकोले ३० करोड २४ लाख रुपैयाँ खुद नाफा आर्जन गरेको थियो ।
यस इन्सुरेन्सले खुद बिमा शुल्क पनि १६.२४ प्रशितले बढाएर १ अर्ब १४ करोड ५१ लाख रुपैयाँ आर्जन गरेको छ । अघिल्लो वर्ष नेकोले ९८ करोड ५१ लाख रुपैयाँ खुद बिमा शुल्क आर्जन गरेको थियो ।
कम्पनीले यो त्रैमास सम्ममा ५५ करोड ४६ लाख रुपैयाँ खुद दाबी भुक्तानी गरेको छ भने ४० करोड ६६ लाख रुपैयाँ कुल भुक्तानी हुन बाँकी छ ।
यस्तै, बिमा कोषको आकार ३९.४७ प्रतिशतले बढेर ६० करोड ७४ लाख रुपैयाँ पुगेको छ । चुक्ता पुँजी १ अर्ब १७ करोड ३२ लाख रुपैयाँ रहेको नेकोको रिजर्भ फन्डमा ४६ करोड ३७ लाख रुपैयाँ छ ।
प्रतिसेयर आम्दानी २९ रुपैयाँ २२ पैसा रहेको यस कम्पनीको प्रतिसेयर नेटवर्थ भने १९५ रुपैयाँ ९० पैसा छ ।
२०७६ भदौ २ गते प्रकाशित
वि.सं.२०७६ भदौ २ सोमवार ११:१७ मा प्रकाशित
