राजविराज । हुलाकी राजमार्ग अन्तर्गत सप्तरी खण्डमा गुणस्तरहीन पुल निर्माण भएको पाइएको छ ।बोदे बरसाइन नगरपालिका–५ जाँजरस्थित खडक नदीमा निर्माणाधीन पुल भत्किएपछि गुणस्तरहीन निर्माण भएको खुलेको हो ।
यो सडक खण्डमा पुल निर्माणको जिम्मा बागमती निर्माण सेवाले पाएको छ । सम्झौताअनुसार कम्पनीले १२ ओटा पुल बनाउनुपर्नेछ । तर सम्झौता भएको २ वर्ष बित्न लाग्दा पनि एउटै पुल सम्पन्न भएको छैन ।
यस्तै निर्माणाधीन पुलसमेत सामान्य बाढीले नै भत्किएको छ । गुणस्तहीन सामग्री प्रयोग गरेकाले सम्पन्न नहुँदै पुल भत्किएको स्थानीयको आरोप छ ।(आर्थिक अभियानबाट)
२०७६ भदौ ३ गते प्रकाशित
वि.सं.२०७६ भदौ ३ मंगलवार ०८:२० मा प्रकाशित
