काठमाडौं । शालिकराम पुडासैनी आत्महत्या दुरुत्दाहन मुद्दाका अभियुक्त रवि लामिछाने सहित तीन जनाको प्रहरी अनुसन्धान पछि जिल्ला अदालतमा मुद्दा दर्ता भएको छ ।
आइतबार प्रतिवादी अस्मिता कार्कीको मात्र बयान सकिएको छ । आज सोमबार रवि लामिछाने र युवराज कँडेलको बयान लिइदै छ । रविको समर्थनमा रहेका सर्वसाधारणको भीड चितवनमा बढ्दै गएको छ ।
आइतबार साँझ समर्थकको भीडले प्रहरीमाथि आक्रमण गर्यो । आज अदालतमा बयान सकिएपछि थुनछेक बहस हुँदै छ ।
बहस पछि हुने मुद्दाको सुनुवाइबाट आउने फैसलाबाट भीडको उत्तेजना झन बढ्ने देखिएपछि जिल्ला प्रशासन कार्यालय चितवनले निश्चित स्थान तोकेरै कर्फ्यु लगाएको हो ।
थुनछेक बहसपछि रविलाई साधारण तारेख, धरौटीमा रिहा वा पुर्पक्षका निम्ति जेल चलानको आदेश मध्य एक आदेश आउने निश्चित छ ।
अदालबाट आउने जुन सुकै नतिजाले पनि भीड अनियन्त्रित हुने देखिएकोले कर्फ्यु लगाउनु परेको चितवन जिल्ला प्रशासन कार्यालय स्रोतले बतायो ।
२०७६ भदौ ०९ गते प्रकाशित
वि.सं.२०७६ भदौ ९ सोमवार १०:१२ मा प्रकाशित
