काठमाडौं । शालिकराम पुडासैनीको आत्महत्या दुरुत्साहन मुद्दामा अदालतको धरौटीमा छुटेका संचारकर्मी रवि लामिछानेले आफूले सम्पत्ति विवरण सरकारलाई बुझाउने बताएका छन ।
प्रहरीले आफुलाई फसाउँने नियतका साथ बैंक खाता विवरण उपलब्ध गराउँन राष्ट्र बैंकलाई पत्राचार गरेको जवाफमा लामिछानेले बैंक खाता विवरण मात्रै हैन, सम्पति विवरण नै सरकारलाई बुझाउने बताएका हुन ।
चितवनको नारायणी नदी किनारमा समर्थकहरूलाई धन्यवाद दिन आयोजित कार्यक्रममा रविल भनेका छन– मेरो बैंक खाता त के सबै सम्पत्तिको विवरण चितवनबाट काठमाण्डौ फर्कने बित्तिकै सरकारलाई बुझाउँछु ।
शलिकग्राम पुडासैनीले मृत्यु अगाडी जारी गरेको भिडियोमा रविले कार्यक्रम चलाउँदा करोडौ असुल्छन् भन्ने आरोप लगाएपछि प्रहरीले रविको बैंक खाताबारे जानकारी दिन राष्ट्रबैंकलाई पत्र लेखिसकेको छ ।
रविको खातामा कैफियत देखिए सम्पत्ति सुद्धीकरणको मुद्दा चलाउने योजनामा प्रहरी रहेको छ । प्रहरीले पठाएको पत्र राष्ट्रबैक पुगिसकेको छ ।
२०७६ भदौ १० गते प्रकाशित
वि.सं.२०७६ भदौ १० मंगलवार १६:२९ मा प्रकाशित
