काठमाडौं । नेपाली बजारमा सुनको बढ्नेक्रम निरन्तरता नै छ । बुधवार ७२ हजार ६०० रुपैयाँमा कारोवार भएको सुनको मुल्य विहीवार फेरि बढेको छ ।
बिहीबार छापावाल सुनको मूल्य तोलामा ८०० रुपैयाँले बढेर ७३ हजार ४०० रुपैयाँमा र तेजावी सुन ७३ हजार १०० रुपैयाँमा कारोबार भइरहेको छ ।
बिहीबार सुनसँगै चाँदीको मूल्य पनि बढेको छ । चाँदीको मूल्य पनि प्रतितोला १५ रुपैयाँले बढेर ८९५ रुपैयाँमा खरिद बिक्री भइरहेको महासंघले जनाएको छ । बुधबार पनि चाँदीको मुल्य तोलामा २० रुपैयाँले बढेको थियो ।
पछिल्लो समय अन्तर्राष्ट्रिय बजारमा पनि सुनको मूल्य निरन्तर बढिरहेको छ । अन्तर्राष्ट्रिय बजारमा सुनको मूल्य वृद्धि भएसँगै त्यसको प्रभाव स्थानीय बजारमा परेको हो ।
गत साउनको सुरुवात देखि नै सुनको मूल्य उकालो लाग्न थालेको थियो । साउन यता सुनको मूल्य ८ हजार ९०० रुपैयाँले बढिसकेको छ ।
सुनको मूल्य वृद्धि भएसँगै सुनको खपत भने ह्वात्तै घटेको छ । दैनिक २०/२५ किलो सुन खपत हुने नेपाली बजारमा पछिल्लो समय मुस्किलले १० किलो पनि बिक्री हुन नसकेको नेपाल सुनचाँदी व्यवसायी महासंघले जनाएको छ ।
गत वर्षहरुमा महिलाहरुको माहान चार्ड तिजको अवसरमा दैनिक ४० केजी सम्म सुनको खपत हुने गरेकोमा अहिले सुनको मूल्य बढेकाले १० केजी पनि बिक्री हुन मुस्किल पर्न थालेको छ ।
सुनको मूल्य बढ्दै जाँदा सुन खरीद गर्नेहरुको संख्या भने शुन्य जस्तै भएको एक व्यवसायीले बताएका छन ।
२०७६ भदौ १२ गते प्रकाशित
वि.सं.२०७६ भदौ १२ बिहीवार १३:४८ मा प्रकाशित