काभ्रेपलाञ्चोक । सूचना तथा संञ्चार प्रविधीमन्त्री गोकुल बाँस्कोटा बिहिवार निक्कै हतारोमा हुनुहुन्थ्यो ।
प्रतिनिधी सभा र राष्ट्रियसभामा विधेयक पेश गर्नु पर्ने भएकाले काभ्रेको पाँचखालमा सुनकोशी पाँचखाल शहरी खानेपानी तथा सरसफाई आयोजनाको सहमतीपत्रमा हस्ताक्षर गर्ने कार्यक्रम बिहान ८ बजेनै राखिएको थियो ।
कार्यक्रम सकिएपछि खाना खाएर निस्कनै लाग्दा पाँचखालका युवाहरुले २ मिनेट समय दिन माग गरे । युवाहरुले होटलकै टेबुलका केक निकाले, मैनबत्ति केकमा राखे अनि सञ्चारमन्त्री बास्कोटालाई बत्ती बाल्न लगाए ।
मन्त्री बाँस्कोटाले केक काट्नु भयो र पाँचखाल नगरका मेयर महेश खरेललाई खुवाउनुभयो । सहभागीहरुले ताली पिटे अनि मन्त्री बाँस्कोटाको दिर्घायुको कामना गर्नुभयो ।
सञ्चारमन्त्री बास्कोटका अनुसार यसअघिका कुनै पनि जन्मदिनमा केक काट्नु भएको थिएन । आफ्नै गृह जिल्लामा युवाहरुले ‘बर्थडे सेलीब्रेसन’ गराएकोमा मन्त्री बाँस्कोटाले धन्यवाद दिनुभयो ।
युवा संघ पाँचखालका अगुवा प्रताप लामाले आफ्ना प्रिय नेताको जन्मदिन मनाउन पाउँदा खुसी लागेको बताउनुभयो । राजधानी दैनिकबाट
२०७६ भदौ १२ गते प्रकाशित
वि.सं.२०७६ भदौ १२ बिहीवार १४:४८ मा प्रकाशित