काठमाडौं । पछिल्लो समय उद्योग क्षेत्रमा प्रत्यक्ष वैदेशिक लगानी (एफडीआइ) को आकर्षण बढ्दै गएको छ । २०७६ जेठदेखि भदौसम्म अर्थात ४ महिनाको अवधिमा विदेशी लगानीका २४ ओटा कम्पनी उद्योग विभागमा दर्ता भएका छन ।
झन्डै ४ अर्व लगानीका उद्योगमा विदेशी लगानी रहेको उद्योग विभागले जनाएको छ । उद्योग दर्ता भएका विदेशी लगानीका अधिकांश होटल तथा रेस्टुरेन्ट छन ।
उद्योग विभागबाट प्राप्त विवरणअनुसार, १४ ओटा होटल तथा रेस्टुरेन्ट, ३ ओटा कन्सल्टेन्ट, २ ओटा अन्तर्राष्ट्रिय काग्रो, १ ओटा गार्मेट, १ ओटा कोल्डस्टोर र १ वटा बाथरुम फिटिङ उद्योग दर्ता भएका हुन ।
सरकारले उद्योग क्षेत्रमा विदेशी लगानी आकर्षण गर्न योजना बनाएको छ । त्यसअनुरुप नै उद्योग, कलकारखानालगायत क्षेत्रभन्दा पनि विदेशी लगानी सेवा क्षेत्रमा आकर्षित भएको विभागले जनाएको छ ।
अहिले ६ अर्ब रुपैयाँभन्दा बढी लगानीका उद्योग तथा आयोजनाहरु लगानी बोर्डले हेर्ने गर्छ । त्यसभन्दा कमका विदेशी लगानी भएका उद्योगधन्दा र आयोजनाहरु उद्योग दर्ता भएर सञ्चालन हुने विभागका निर्देशक बिनोदबहादुर खड्काले जानकारी दिनुभयो । अहिले हाइड्रोपावर र सेवा क्षेत्रमा विदेशी लगानी आकर्षण बढेको उहाँको भनाइ छ ।
विभागले लगानीकर्तालाई सहज रुपले उद्योग दर्ताको वातारण बनाइदिने भूमिका खेल्दै आएको उहाँले बताउनुभयो । सबैभन्दा बढी चीन सरकारको लगानी उद्योग क्षेत्रमा रहेको देखिन्छ ।
२०७६ भदौ १३ गते प्रकाशित
वि.सं.२०७६ भदौ १३ शुक्रवार १६:१३ मा प्रकाशित
