काठमाडौं । घोडिघोडा लघुवित्ती वित्तीय संस्थाको सेयर कारोबार सुरु भएको छ । नेप्सेले घोडिघोडा लघुवित्तको सेयर कारोबारका लागि ७७.०१ रुपैयाँदेखि २३१.०३ रुपैयाँसम्म ओपन रेन्ज दिएको छ ।
यो लघुवित्तको पहिलो सेयर कारोबार यही रेन्जभित्र रहेर हुनेछ । जीजीबीएसएल संकेतबाट कारोबार हुनेछ । कम्पनीले मंगलबार २ लाख ७६ हजार २५० कित्ता सेयर नेप्सेमा सूचीकृत गराएको हो ।
कम्पनीले आइपीओ सहित चुक्ता पुँजीको आधारमा कायम भएको सेयर सूचीकरण गरेको हो । घोडिघोडा लघुवित्तले गत असार २० देखि २४ गतेसम्म कुल १ लाख ३२ हजार ६०० कित्ता सेयर निष्कासन गरेको थियो ।
२०७६ भदौ १८ गते प्रकाशित
वि.सं.२०७६ भदौ १८ बुधवार ११:२७ मा प्रकाशित