काठमाडौं । अष्ट्रेलियन क्रिकेट पत्रकार पिटर लालओरले विश्वकै सबैभन्दा महँगो वियर पिएका छन । उनले म्यानचेस्टरमा रहेको मलमैसन होटलमा एउटा वियरको ९९ हजार ९८३.६४ अष्ट्रेलियन डलर तिरेका छन।
पिटरले वियर पिएपछि बिल तिर्न आफ्नो कार्ड होटलका स्टाफलाई दिए । बिल तिरेको केही घण्टापछि उनको पत्नीको फोन आयो । त्यस बेलासम्म उनलाई केही थाहा छैन ।
जब उनको पत्नीले फोनमा कुरा गर्दै ९९ हजार ९८३.६४ अष्ट्रेलियन डलर खर्च भएको अर्थात एटीएमबाट यत्तिका धेरै रकम झिकिएको पिटरलाई बताइन । त्यतिमात्र नभई २५ सय अष्ट्रेलियन डलर कारोबार शुल्क समेत काटिएको छ ।
पिटर र उनको पत्नीको संयुक्त खाता रहेकाले उनको पत्नीले रकम घटेको तत्काल पत्ता लगाएकी हुन् । अनि, यो कुरा होटल प्रशासनसम्म पुग्यो ।
प्रशासनले गल्ती भएको बतायो । जम्मा ५.५० पाउन्ड पर्ने उक्त वियरको मूल्य कार्ड मिसिनमा टाइप गर्दा त्रुटी भएको होटल प्रशासनले जानकारी दियो । प्रशसानले ५.५० पाउन्ड टाइप गर्नुपर्नेमा झुक्किएर ५५ हजार पाउन्ड टाइप भएको बताएको छ ।
यसरी काटिएको रकम अहिले फिर्ता हुने प्रक्रियामा रहेको छ । कारोबार शुल्क पिटरको खातामा देखिएको छ । तर, ९९ हजार ९८३.६४ अष्ट्रेलियन डलर खातामा आउन भने केही समय लाग्नेछ ।
पिटर यूकेमा किक्रेट प्रतियोगिताको समाचार संकलन गर्न अष्ट्रोलिया गएका थिए । उनले डेउचार्स आइपीए बियर पिएका थिए ।-समाचार एजेन्सीहरुबाट
२०७६ भदौ २६ गते प्रकाशित
वि.सं.२०७६ भदौ २६ बिहीवार ०९:२७ मा प्रकाशित
