काठमाडौं । नेपाल राष्ट्र बैंकले बिहीबारदेखि २० र ५० रुपैयाँ दरका नयाँ नोटहरु बजारमा पठाएको छ ।
केन्द्रीय बैंकले २० रुपैयाँको नोटको अग्रभागमा ‘वि.सं २०७२’ अंकित तथा पृष्ठभागमा ‘एडी २०१६’ लेखेको छ । बैंकले संकेत नम्बर ञर४१०००००१ देखि ञर४१९९९९९९ सम्मका २० रुपैयाँ दरका नोट बजारमा पठाएको हो ।
यस्तै, ५० रुपैयाँ दरको नोटको अग्रभागमा पनि ‘वि.सं २०७२’ र पृष्ठभागमा इस्वी संवत अर्थात ‘एडी २०१५’ रहेको जनाएको छ ।
५० रुपैयाँ दरका यी नोटहरु संकेत नम्बर जर ८६०००००१ देखि जर ८८९९९९९९ सम्म रहेका छन् । हाल बजारमा २० रुपैयाँ र ५० रुपैयाँ दरका नोटको अभाव रहेको छ ।
केन्द्रीय बैंकले यी नोट बजारमा पठाएसँगै साना दरका नोटको अभावको अन्त्य हुनेछ ।
२०७६ भदौ २७ गते प्रकाशित
वि.सं.२०७६ भदौ २७ शुक्रवार ०९:०२ मा प्रकाशित
