राजेशचन्द्र राजभण्डारी, बागलुङ । बागलुङको जिल्ला स्तरिय बार्षिक समिक्षा कार्यक्रम शुरु भएको छ ।
कार्यक्रमको शुरू दिनमै बागलुङका १५ जना माननीय सांसदहरू मध्य मात्रै दुई जना उपस्थित देखिए बाकी एक दर्जन सांसद समीक्षा कार्यक्रममा नदेखिएपछि कार्यक्रम नै बहिष्कार गरेकी भनेर धेरैले अड्कल गरेका थिए ।
उक्त समिक्षाक कार्यक्रममा जिल्लाका १० वटै स्थानीय तहका प्रमुख,उपप्रमुख, प्रमुख प्रशासकीय अधिकृत लगायत सहभागी छन ।
जिल्लाको समग्र विकासको समिक्षा र भावी कार्ययोजना तय गर्ने महत्वपूर्ण कार्यक्रममा जिल्लाबाट प्रदेश र केन्द्रमा प्रतिनिधित्व गर्ने १५ सांसदमा १३ सांसद भने अनुपस्थित भएर आफ्नो बास्तबिकता प्रर्दशन गरे साच्चै जिल्लाका सांसदहरू कति धेरै जिम्मेवार छन् भन्ने समेत स्पष्ट पारेको छ ।
समिक्षाको पहिलो दिन मञ्चमा दुई जना सांसदले पुरैको प्रतिनिधित्व गरे । जिल्लाबाट गण्डकी प्रदेश र प्रतिनिधि सभामा प्रतिनिधित्व गर्ने १५ सांसद मध्ये बागलुङ क्षेत्र नम्बर १ बाट प्रत्यक्ष तर्फ निर्वाचित सांसद डा.सुर्य पाठक र सोही क्षेत्रको प्रदेश ‘क’बाट निर्वाचित इन्द्रलाल सापकोटा उपस्थित थिए ।
समिक्षा कार्यक्रममा स्थानीय तहका प्रमुखहरुले संघिय र प्रदेश सरकारले योजना छनोट र सञ्चालनमा आँफुहरुलाई बेवास्ता गर्ने गरेको गुनासो राखेका थिए ।
उनीहरुले कुनै स्थानीय तहमा बढी र कुनै स्थानीय तह प्रदेश र केन्द्रको योजना, बजेटमा खाली हुनु दुर्भाग्यपूर्ण भएको भन्दै सांसदहरुको ध्यानाकर्षण गराएका थिए ।
तर, यो भनाइ सुन्नेमा दुई जना सांसद मात्र देखिए पनि स्थानीय तहका प्रमुखहरुले जिल्लाको यति महत्वपूर्ण छलफलमा नआउने सांसदहरुलाई आलोचना समेत गरेका थिए ।
‘अघिल्लो बर्षको जिल्ला स्तरिय समिक्षा कार्यक्रममा पनि देख्न पाएनौ,’ निसीखोला गाउँपालिकाका अध्यक्ष तारानाथ पौडेलले भने ,‘प्रदेश र केन्द्रका योजनाबारे हामी बेखवर हुने अवस्था छ, यस्तो महत्वपूर्ण कार्यक्रममा जिल्लाका माननीय सांसद ज्यूहरुलाई किन देख्न पाउदैनौ ? सिधा गुनासो राख्न पाउँदैनौ ?
जिल्ला समन्वय समितिका प्रमुख राजेन्द्र ढुङ्गानाले सबै सांसदलाई निम्तो गरिए पनि बिभिन्न कार्यव्यस्तता देखाएर नआएको बताएर आफ्नो दायित्व पूरा गरेको बताउनुभयो ।
बार्षिक समीक्षा कार्यक्रममा स्थानीय तहले आँफ्नो बार्षिक प्रगति प्रस्तुत गरेका छन् भने सोमवार सरकारी कार्यालय र गैरसरकारी संघ संस्थाले प्रगति बिवरण प्रस्तुत गर्नेछन ।
२०७६ भदौ ३० गते प्रकाशित
वि.सं.२०७६ भदौ ३० सोमवार ११:५५ मा प्रकाशित
