काठमाडौं । ग्लोबल आइएमई लघुवित्त वित्तीय संस्थाको १०० प्रतिशत हकप्रद बाँडफाँट भएको छ । बिक्री प्रबन्धक लक्ष्मी क्यापिटल मार्केटका अनुसार रितपूर्वक आवेदन दिएका १० हजार २३३ जना सेयरधनीहरुलाई १० लाख ४८ हजार १४ कित्ता हकप्रद सेयर बाँडफाँट भएको हो ।
कुल ११ लाख ४ हजार ५७५ कित्ता निष्कासन भएकामा ५६ हजार ५६१ कित्ता हकप्रद बिक्री हुन सकेको छैन ।अब बिक्री नभएको उक्त हकप्रद लिलामी प्रक्रियामा लैजानु पर्नेछ ।
ग्लोबल आइएमईले १०० प्रतिशत हकप्रद सेयर साउन २१ गतेदेखि भदौ २३ गतेसम्म बिक्री खुला गरेको थियो । हकप्रदमा निष्कासित सबै सेयर बिक्री भएपछि यस लघुवित्तको चुक्ता पुँजी २२ करोड ९ लाख १४ हजार रुपैयाँ पुग्नेछ ।
२०७६ असोज ०६ गते प्रकाशित
वि.सं.२०७६ असोज ६ सोमवार १३:०७ मा प्रकाशित
