काठमाडौं । सानिमा बैंकले आफ्ना सेयरधनीलाई ८० करोड बोनस सेयर वितरण गर्ने प्रस्ताव गरेको छ । बैंकले आगामी असोज २९ गतेका लागि बोलाएको साधारण सभामा ८० करोड १ लाख २५ हजार ५४४ रुपैयाँ बराबरको बोनस सेयर प्रस्ताव गरेको हो ।
बैंकको सञ्चालक समितिको हिजो आइतबार बसेको बैठकले गतवर्षको मुनाफाबाट १० प्रतिशत बोनस सेयर पारित गर्ने प्रस्ताव सहित साधारण सभाको मिति तय गरेको हो ।
बैठकले १५ औँ वार्षिक साधारणसभा काठमाण्डौको नक्सालमा बिहान ११ बजे बस्ने निर्णय गरेको छ । साधारसभामा विशेष प्रस्तावका रुपमा राखिने १० प्रतिशत बोनस सेयर पारित हुनेछ ।
त्यस्तै साधारणसभाले चुक्तापुँजीको ११.०५ प्रतिशतले हुन आउने ८८ करोड ४३ लाख ४९ हजार २८५.४७ रुपैयाँबराबरको (लाभांश करसहित) नगद लाभांशको प्रस्ताव पनि पारित गर्नेछ ।
साधारणसभामा बैंकको गत आर्थिक वर्षको वार्षिक प्रतिवेदन, वार्षिक वित्तीय विवरण, एकीकृत वित्तीय विवरणलगायत महत्वपूर्ण प्रतिवेदनहरु पनि पारित हुनेछ ।
२०७६ असोज ०६ गते प्रकाशित
वि.सं.२०७६ असोज ६ सोमवार १२:४८ मा प्रकाशित