काठमाडौं । नेपाल राष्ट्र बैंकका गर्भनर डा.चिरञ्जिवी नेपालले लघुवित्तहरुलाई मर्जरमा जान आग्रह गरेका छन । आईतबार काठमाडौंमा आयोजित लघुवित्त बैंकर्स संघको १३ औं वार्षिक साधारणसभामा गर्भनर नेपालले नाफा बढाउनका लागि लघुवित्तहरु मर्जरमा जानुपर्ने बताउनुभएको हो ।
मर्जर अन्तराष्ट्रिय अभ्यास नै भएकोले यसमा सबै लघुवित्त तथा वित्तीय संस्थाहरु लाग्नुपर्नेमा उहाँले जोड दिनुभयो । नाफा अधिकतम बनाउन र जोखिम घटाउनका लागि पनि मर्जरमा जानैपर्ने भन्दै उनले यसका लागि पहल थाल्न ध्यानाकर्षण गराउनुभयो ।
लघुवित्त बैंकर्स संघका अध्यक्ष्य रामचन्द्र जोशीले लघुवित्तहरुले नेपाल राष्ट्र बैंकको सबै नियम पालना गर्दै आएको भन्दै राष्ट्र बैंकले कार्यदल बनाएमा आफुहरु पनि मर्जरमा जान तयार रहेको बताउनुभयो ।
२०७६ असोज १३ गते प्रकाशित
वि.सं.२०७६ असोज १३ सोमवार ०८:४६ मा प्रकाशित
