काठमाडौं । जनरल इन्सुरेन्स कम्पनीको ३० लाख कित्ता आइपीओ आउने भएको छ । आइपीओ बेच्न कम्पनीले एनआइबीएल एस क्यापिटललाई बिक्री प्रबन्धक नियुक्त समेत गरेको छ ।
जनरल इन्सुरेन्सले प्रति सेयर १०० रुपैयाँ दरको ३० करोड रुपैयाँको ३० लाख कित्ता आइपीओ सर्वसाधारणमा जारी गर्न लागेको हो ।
जनरल इन्स्योरेन्स कम्पनीका तर्फबाट महाप्रबन्धक एस.के.टमोट र एनआइबीएल एस क्यापिटलका नायव प्रमुख कार्यकारी अधिकृत मेख बहादुर थापाले सम्झौतापत्रमा हस्ताक्षर गरेका छन ।
जनरल इन्सुरेन्स कम्पनीको अधिकृत पूँजी २ अर्व रुपैयाँ, जारी पुँजी १ अर्व रुपैयाँ र चुक्ता पुँजी ७० करोड रुपैयाँ रहेको छ ।
यस इन्सुरेन्सले जारी पुँजीको ३०५ सेयर सर्वसाधारणका लागि निष्कासन गर्नुपर्ने हुन्छ । आइपीओपछि कम्पनीको चक्ता पँुजी १ अर्व रुपैयाँ पुग्नेछ ।
बिमा समितिको निर्देशन बमोजिम कम्पनीले आइपीओ ल्याउन लागेको हो । निर्जीवन बिमा कम्पनीहरुको न्यूनतम चुक्ता पुँजी १ अर्ब रुपैयाँ हुनुपर्ने प्रावधान छ ।
यस इन्सुरेन्सले आइपीओ जारी गर्ने पस्ताव साधारण सभाबाट पारित गरिसकेको छ । अब धितोपत्र बोर्डमा आवेदन दिनुपर्ने हुन्छ ।
बोर्डबाट अुनमति पाएपछि निष्कासन गर्ने प्रक्रिया सुरु हुनेछ । जनरल इन्सुरेन्स नयाँ स्थापना भएको कम्पनी हो । कम्पनीको केन्द्रीय कार्यालय काठमाण्डौ महानगरपालिका वडा नं.१ हात्तीसार, काठमाण्डौंमा रहेको छ ।
यस्तै, कम्पनीको ३७ वटा शाखा कार्यालय र १० तेश्रोपक्ष बिमा काउन्टर मार्फत बिमा सेवा प्रदान गर्दै आएको छ ।
२०७६ असोज १४ गते प्रकाशित
वि.सं.२०७६ असोज १४ मंगलवार १२:४० मा प्रकाशित