काठमाडौं । एकल पुरुषलाई पनि सामाजिक सुरक्षा भत्ता दिने भएको छ । हेलम्बु गाउँपालिकाले पाँचौं गाउँसभाबाट २० लाख बजेट छुट्टयाएर एकल पुरुषलाई भत्ता दिन मूल अभिलेख अध्यावधिक गर्न सूचना जारी गरिसकेको छ ।
एकल पुरुष महिला दुवैलाई दर्ताका लागि सूचना गरसकेको हेलम्बु गाउँपालिकाका प्रमुख निमाग्याल्जेन शेर्पाले बताउनुभयो । ‘पुरुष र महिलालाई व्यावहारिक रुपमा समानता दिन बराबरी भत्ताको कार्यविधि बनाएका छौं,’ उहाँले भन्नुभयो ।
स्थलगत अनुगमनमा एकल महिला र पुरुषको उस्तै अवस्था देखिएपछि जनप्रतिनिधिबीचको छलफलबाट यो निर्णय गरिएको बताउनुभयो ।
झन्डै १८ हजार जनसंख्या भएको गाउँपालिकामा हेलम्बु, किउल, पाल्चोक, इचोक र महांकाल गरी ७ वडा छन । -कान्तिपुर दैनिकमा समाचार छ ।
२०७६ असोज १५ गते प्रकाशित
वि.सं.२०७६ असोज १५ बुधवार १२:५८ मा प्रकाशित
