२०७६ असोज २६ गते प्रकाशित
काठमाडौं । चिनियाँ राष्ट्रपति सी चिनफिङ काठमाडौं आए लगत्तै भेटघाटमा व्यस्त हुनुभएको छ । राष्ट्रपति विद्यादेवी भण्डारी र समकक्षी सीबीच भेटवार्ता शुरु भएको छ । दुई राष्ट्रपतिबीच सितल निवासमा भेटवार्ता भइरहेको छ ।
राष्ट्रपतिद्वयबीच दुई मुलुकको हितबारे छलफल भइरहेको स्रोतले जनाएको छ । सी राष्ट्रपतिसँग छलफलको लागि काठमाडौं आएको केहीबेरमा सितल निवास पुग्नु भएको हो ।
राष्ट्रपति भण्डारीसँगको छलफलपछि सीसँग प्रमुख प्रतिपक्षी दल नेपाली कांग्रेसका सभापति शेरबहादुर देउवाले भेट्ने कार्यक्रम छ । देउवासँगको भेटवार्तापछि राष्ट्रपति भण्डारीले आयोजना गरेको राजकीय भोजमा सी सहभागी हुनुहुनेछ । राष्ट्रपति सी त्यसपछि आराम गर्नुहुनेछ ।
राष्ट्रपति सीसँग आइतबार बिहान प्रधानमन्त्री केपी ओलीले भेटघाट गर्नुहुनेछ । राष्ट्रपति सी र प्रधानमन्त्रीको समुपस्थितिमा दुईपक्षीय सम्झौता तथा समझदारीपत्रमा हस्ताक्षर हुने कार्यक्रम रहेको परराष्ट्र मन्त्रालयले जनाएको छ ।
समझदारीपत्रमा हस्ताक्षरपछि राष्ट्रपति सीसँग नेपाल कम्युनिष्ट पार्टी (नेकपाका अध्यक्ष पुष्पकमल दाहालले शिष्टाचार भेट गर्ने कार्यक्रम छ । राष्ट्रपति सी त्यसपछि नेपालको राजकीय भ्रमण पूरा गरी अपरान्ह १२ः३० बजे फर्कनु हुनेछ ।
वि.सं.२०७६ असोज २५ शनिवार १९:२१ मा प्रकाशित