काठमाडौं । गैरआवासीय नेपाली संघ (एनआरएनए) को नवौं महाधिवेशन भोलिबाट सुरु हुँदैछ । उक्त महाधिवेशनको सम्पूर्ण तयारी पूरा भएको पनि संघले जनाएको छ ।
सम्मेलको उद्धघाट्न राष्ट्रपति विद्यादेवी भण्डारीले गर्ने र समापन प्रधानमन्त्री केपी शर्मा ओलीले गर्नेछन । संघको आगामी नेतृत्वका लागि वर्तमान उपाध्यक्षद्धय कुमार पन्त र कुल आचार्यले उम्मेदवारी घोषणा गरेका छन ।
संघले आज पत्रकार सम्मेलन गरेर महाधिवशेनको तयारी पूरा भएको स्पष्ट पारेको छ । विभिन्न देशबाट १५ सय प्रतिनिधिहरु काठमाडौं अआईसेका छन ।
सम्मेलनमा प्रतिनिधिहरुको नामदर्ता सोमबार ३ बजेसम्म र वैकल्पिक प्रतिनिधिको साँझ ७ बजेसम्म नाम दर्ता गरिने जानकारी गराइएको थियो ।
दुई दिनसम्म होटल हायात रिजेन्सीमा आयोजना हुने सम्मेलनबाट नयाँ नेतृत्वसमेत चयन हुनेछ । विभन्न १४ पदका लागि ४२ जना चुनिने छन ।
एनआरएनएको आगामी नेतृत्वका लागि जर्मनीबाट कुमार पन्त र बेलायतबाट कुल आचार्य चुनावी मैदानमा छन। संघको आठौँ अन्तरराष्ट्रिय महाधिवेशनमा दुबैजना उपाध्यक्ष पदमा विजयी बनेका थिए ।
गैरआवासीय नेपाली संघको २००३ (२०१७ को संशोधन) सहितको विधानअनुसार इतिहासमै पहिलोपटक ५ जना उपाध्यक्ष पदमा (महिलासहित) निर्वाचन हुन लागेको हो । यसअघि प्रायः सहमतिमा उपाध्यक्षको चयन हुने गरेको थियो ।
२०७६ असोज २७ गते प्रकाशित
वि.सं.२०७६ असोज २७ सोमवार १५:५१ मा प्रकाशित
