काठमाडौं । अर्जनु कुमार श्रेष्ठ गैरआवासीय नेपाली संघ अन्तर्राष्ट्रियय समन्वय परिषद (एनआरएनए आइसिसी) को उपाध्यक्ष पदको उम्मेदवार हुन ।
श्रेष्ठ पर्वत जिल्लामा जन्मिएर सन् २००५ देखि बेल्जियम बस्दै आउनुभएको छ । दुई कार्यकाल एनआरएनए आईसीसी सदस्य, एक कार्यकाल यूरोप क्षेत्रीय संयोजक र एक कार्यकाल केन्द्रीय सचिवको जिम्मेवारी सम्हालीसक्नु भएको छ ।
एनआरएनए नेतृत्वको लागि उपाध्यक्ष पदमा उम्मेदवारी दिनुभएका मिलनसार र समाजसेवाको भावनाले ओतप्रोत रहेका श्रेष्ठको होटल, रेस्टुरेन्ट, रेमिट्यान्स, औषधि उद्योग, फार्मेसी, आयातरनिर्यात, ट्रेडिङ, हार्डवेयर, बैंकिङलगायतका क्षेत्रमा लगानी छ ।
एनआरएनए आइसिसीका पूर्वसचिव अर्जुनकुमार श्रेष्ठले आफ्नो प्रतिवद्धता तथा एजेण्डा सार्वजनिक गर्नुभएको छ । श्रेष्ठले २०१९–२१ का लागि आइसीसी उपाध्यक्ष पदमा उम्मेदवारी घोषणासहित एजेण्डा सार्वजनिक गर्दा सबै एनआरएनको रोजाईमा पर्नुभएको छ ।
यस्ता छन श्रेष्ठका घोषणा पत्र र प्रतिवद्धता
‘गैरआवासीय नेपाली अभियान सुरु भएको १६ वर्षमा हाम्रा माग पूरा गरेर सरकारले विकास साझेदार बन्ने बाटो खोलेको छ,’ श्रेष्ठले भन्नुभएको छ ‘गैरआवासीय नेपालीले उठाउँदै आएको दोहोरो नागरिकतालाई नयाँ संविधानले समेटेको छ । तर, ऐनमार्फत पूरा गर्नुपर्ने कामका लागि निरन्तर दबाब दिन आवश्यक छ ।’
गैर आवासीय नेपालीहरुको सामूहिक अभियानले नेपालमा लगानी भित्राएको उल्लेख गर्दै श्रेष्ठले सामाजिक क्षेत्रमा पनि यस अभियानले ठूलो योगदान पुर्याएको उल्लेख गर्नुभएको छ ।
‘संयुक्त लगानीमा सञ्चालन भइरहेका परियोजनालाई अझ अगाडि बढाउनुपर्ने दायित्व छ,’ श्रेष्ठले भन्नुभएको छ, ‘सँगसँगै नेपाल सरकारले परिकल्पना गरेको समृद्ध नेपालः सुखी नेपालीमा योगदान पुर्याउने र नेपाल भ्रमण वर्ष २०२० लाई सफल पार्नुपर्ने दायित्व छ ।’
समृद्ध नेपाल नभएसम्म विदेशमा बस्ने कोही पनि नेपालीको व्यक्तिगत समृद्धिले अर्थ नराख्ने बताउँदै उहाँले मुलुकको समृद्धिका लागि लगानी भित्र्याउने कार्यमा पहल गर्ने प्रतिबद्धता जनाउनु भएको छ ।विदेशमा सिकेका सीप र प्रविधिलाई नेपालको विकासका लागि प्रयोग गर्ने वातावरण तयार गर्नेछु,’ श्रेष्ठले बताउनुभएको छ ।
वैदेशिक रोजगारीमा समस्यामा परेका नेपालीको उद्दार र राहतका लागि विशेष पहल गर्ने, गैरआवासीय नेपालीलाई एनआरएनएमा एकत्रित गर्दै साँच्चिकै बलियो संस्थाकोरुपमा स्थापित गर्न सक्रिय रहने र नेपालमा व्यक्तिगत रुपमा भइरहेका परोपकारी कार्यलाई थप प्रोत्साहन गर्ने र संस्थागत परोपकारी कामलाई प्राथमिकतामा राख्ने योजना छ ।
श्रेष्ठले एनआरएनए स्पोर्टर्स एकेडेमी स्थापना र सञ्चालनका लागि सम्पूर्ण समयसहित योगदान गर्ने प्रतिबद्धता पनि जनाउनु भएको छ ।
२०७६ असोज ३० गते प्रकाशित
वि.सं.२०७६ असोज ३० बिहीवार ०९:३० मा प्रकाशित
