काठमाडौं । निरन्तर ओरालो लाग्दै आएको सेयर बजार आज (मंगलबार) भने २.४ अंकले उकालो लागेको छ । सेयर बजारमा सुधार आएसँगै नेप्से बढेर ११३४.७९ अंकमा पुगेको छ ।
उक्त दिन कुल ११ समूहमध्ये ५ समूहको सूचक घटेको छ भने ६ समूहको सूचक बढेको छ। ७५ प्रतिशत भन्दा बढी हिस्सा ओगटेको बैंक समूहको सूचक ४.५ अंकले बढेको छ ।
यसैगरी, जीवन बिमा समूहको सूचक सबैभन्दा बढी १९.०६ अंकले बढेको छ । होटल, फाइनान्स, निर्जीवन, अन्य र म्यूचुअल फन्ड समूहको सूचक घटेको छ ।
आज १६ करोड ५२ लाख रुपैयाँ बराबरको सेयर कारोबार भएको मध्ये नबिल बैंकको सबैभन्दा बढी १ करोड ३२ लाख रुपैयाँ बराबरको सेयर कारोबार भएको छ ।
दोस्रो बढी रकमको सेयरको कारोबार प्रभु बैंकको भएको छ। उक्त बैंकको १ करोड ३ लाख रुपैयाँ बराबरको सेयर कारोबार भएको छ ।
तेस्रो बढी सेयर कारोबार हुने एनआइसी एशिया बैंकको सेयर रहेको छ। उक्त बैंकको ९४ लाख रुपैयाँ बराबरको सेयर कारोबार भएको छ ।
२०७६ कात्तिक ०५ गते प्रकाशित
वि.सं.२०७६ कात्तिक ५ मंगलवार १५:२८ मा प्रकाशित
