काठमाडौं । सूर्या लाइफ इन्स्योरेन्स कम्पनी लिमिटेडले हकप्रद शेयर कात्तिक ६ गते बाँडफाँट गरेको छ ।
कम्पनीले साउन २८ गतेसम्मका कायम शेयरधनीहरुका लागि १० बराबर ७ को अनुपातमा ८८ लाख ७४ हजार ०९६ कित्ता हकप्रद शेयर रितपूर्वक आवेदन दिने शेयरधनीहरुलाई वितरण गरेको हो ।
आवेदन दिँदा आफ्नो हकभन्दा बढी शेयर माग गर्ने आवेदकहरुको हकमा बाँडफाँटमा नपरेको रकम कात्तिक १३ गतेदेखि आईपीएसमार्फत सम्बन्धित शेयरधनीहरुको बैंक खातामै फिर्ता भुक्तानी गरिने कम्पनीले सूचनामार्फत जानकारी गराएको छ ।
यस हकप्रद विक्री प्रबन्धकको जिम्मेवारी एनआईसी एशिया क्यापिटलले लिएको छ ।
२०७६ कात्तिक ०७ गते प्रकाशित
वि.सं.२०७६ कात्तिक ७ बिहीवार ११:१० मा प्रकाशित
