काठमाडौं । सङ्घीय मामिला तथा सामान्य प्रशासन मन्त्रालयले मन्त्रालय, विभाग, आयोग र सचिवालयलाई रा.प तृतिय श्रेणी (अधिकृत)का रिक्त रहेका पदहरुको बिवरण पठाउन निर्देशन दिएको छ ।
मन्त्रालयले एक सूचना निकाल्दै सबै मन्त्रालय, आयोग, सचिवालय र निकायलाई रिक्त पदहरुको बिबरण कात्तिक २१ गतेभित्र उपलब्ध गराइदिन पत्राचार गरेको हो ।
सरकारले हालै स्वीकृति संगठन तथा व्यवस्थापन सर्भेक्षण प्रतिवेदन अनुरुप रिक्त पदहरुको माग आकृति फारम भरी कात्तिक २१ गतेभित्र पाउन सम्बिन्धित नियकाहरुलाई निर्देशन दिएको हो ।
मन्त्रालयले पत्राचार गरेसँगै अब रा.प तृतिय श्रेणी (शाखा अधिकृत) प्राविधिक तथा अप्राविधिक दुबै तहमा दरखास्त खुल्ने भएको हो ।
शाखा अधिकृत प्राविधिक तर्फ कात्तिक अन्तिम बुधबार र अप्राविधिक तर्फ मंसिर अन्तिम बुधबार विज्ञापन हुने भएको हो ।
हेर्नुहोस् सूचना :
२०७६ कात्तिक १७ गते प्रकाशित
वि.सं.२०७६ कात्तिक १७ आइतवार ०७:४७ मा प्रकाशित