काठमाडौं । लाइफ इन्सुरेन्स कर्पोरेसन (एलआइसी) नेपालले बिक्री खुला गरेको नागरिक लगानी कोषको ५० हजार कित्ता सेयर लिलामी भर्ने सोमबार (कात्तिक १८ गते) अन्तिम दिन हो ।
सोमबार कार्यालय समयसम्म मात्र यसमा आवेदन दिन सकिनेछ । कम्पनीले असोज २८ गतेबाट संस्थापक समूहको सेयर बिक्री खुला गरेको हो ।
लगानीकर्ताले यसमा न्यूनतम १५ सय ९५ रुपैयाँलाई आधार मानेर प्रतिस्पर्धात्मक बोलकबोलमा सहभागी हुनुपर्नेछ ।
यसमा बैंक तथा वित्तीय संस्था र बीमा कम्पनीहरुले मात्र आवेदन दिन सक्नेछन। न्यूनतम १०० कित्तादेखि अधिकतम सबै ५० हजार कित्तासम्म आवेदन दिन सकिनेछ ।
लगानीकर्ताले बिक्री प्रबन्धक नेपाल एसबिआई मर्चेन्ट बैंकिङ, हात्तिसार काठमाडौं र लाइफ इन्सुरेन्स कर्पोरेसन (एलआइसी) नेपालको केन्द्रीय कार्यालय पुतली सडक काठमाडौंबाट आवेदन दिन सक्नेछन।
यसैगरी, नेपाल एसबीआई बैंकको विराटनगर, विर्तामोड, वीरगञ्ज, जनकपुर, हेटौडा र नारायणघाट शाखाबाट पनि आवेदन दिन सकिनेछ ।
एसबीआईकै पोखरा, बाग्लुङ, बुटवल, दाङ, नेपालगञ्ज, सुर्खेत, धनगढी र महेन्द्रनगर शाखा कार्यालयबाट पनि आवेदन दिन पाइनेछ ।
२०७६ कात्तिक १८ गते प्रकाशित
वि.सं.२०७६ कात्तिक १८ सोमवार ११:५८ मा प्रकाशित
