काठमाडौं । नेपाल इन्भेष्टमेन्ट बैंकको २९ हजार ३८० कित्ता संस्थापक सेयर बिक्री खुला भएको छ । बैंकले आज (कात्तिक २१) देखि कात्तिक २८ गतेसम्म उक्त संस्थापक सेयर लिलामी गर्न लागेको हो ।
यसमा बैंकका हाल कायम संस्थापक सेयरधनी तथा संस्थापक सेयर किन्न योग्य अन्य व्यक्ति तथा संस्थाले बोलपत्र पेश गर्न सक्नेछन ।
बैंकले संस्थापक सेयरको न्यूनतम मूल्य प्रतिसेयर २७५ रुपैयाँ तोकेको छ । आवेदकले सोही मूल्यलाई आधार मानेर प्रतिस्पर्धात्मक बोलकबोलमा सहभागी हुनुपर्नेछ । न्यूनतम ३ हजार कित्तादेखि अधिकतम सबै कित्तका लागि आवेदन दिन सकिनेछ ।
लगानीकर्ताले एनआइबीएल एस क्यापिटल लिमिटेड लाजिम्पाट, काठमाडौंमा पुग्ने गरी बोलपत्र पेश गनुपर्नेछ । लिलामीको बोलपत्र मंसिर २ गते बिहान १०ः३० बजे एनआइबीएल एस क्यापिटलको कार्यालयमा खोलिने छ ।
२०७६ कात्तिक २१ गते प्रकाशित
वि.सं.२०७६ कात्तिक २१ बिहीवार ०९:१७ मा प्रकाशित
