काठमाडौं । सांग्रिला डेभलपमेन्ट बैंकले चालु आर्थिक वर्षको पहिलो त्रैमासमा खुद नाफा ६४ प्रतिशतले वृद्धि गर्दै ५ करोड ४८ लाख १६ हजार रुपैयाँ पुर्याएको छ ।
गत वर्ष बैंकले ३ करोड ३४ लाख २४ हजार रुपैयाँ मात्र खुद नाफा आर्जन गरेको थियो । खुद ब्याज आम्दानीमा पनि ११.०३ प्रतिशतले सुधार गरी २७ करोड २६ लाख ९० हजार रुपैयाँ पुगेको छ । गत वर्ष यो बैंकले २४ करोड ४४ लाख ८४ हजार रुपैयाँ खुद नाफा कमाएको थियो ।
सञ्चालन नाफा पनि ६ करोड ३५ लाख रुपैयाँबाट बढेर ७ करोड ८८ लाख ६० हजार रुपैयाँ पुगेको छ । सांग्रिलाले १७ अर्ब ७० करोड रुपैयाँ निक्षेप संकलन गरी १९ अर्ब ४० करोड रुपैयाँ कर्जा विस्तार गर्न सफल भएको वित्तीय विवरणमा देखिन्छ ।
असोजसम्म यसको चुक्ता पुँजी २ अर्ब ६० करोड ६६ लाख ४० हजार रुपैयाँ रहेको छ । यस्तै, रिजर्भ कोषमा ५७ करोड ४६ लाख रुपैयाँ र रिटेन्ड अर्निङमा २० करोड ७९ लाख २५ हजार रुपैयाँ राखेको छ ।
यसको खराब कर्जा पनि २.४० प्रतिशतबाट घटेर ०.९४ प्रतिशतमा सीमित भएको छ । खराब कर्जा घटाउन सकेकाले खुद नाफा माथि लैजान सजिलो भएको देखिन्छ ।
कस्ट अफ फन्ड भने ७.७३ प्रतिशतबाट बढेर ८.३७ प्रतिशत पुगेको छ । सांग्रिलाको बेस रेट ११.२४ प्रतिशत छ । बैंकको प्रतिसेयर आम्दानी ८ रुपैयाँ ४१ पैसा र प्रतिसेयर नेटवर्थ १३० रुपैयाँ ०२ पैसा छ ।
२०७६ मंसिर ०२ गते प्रकाशित
वि.सं.२०७६ मंसिर २ सोमवार ११:५७ मा प्रकाशित
