काठमाडौं । सोमबार मध्य रातिदेखि लागु हुने गरी पेट्रोलियम पदार्थको मूल्यवृद्धि भएको छ । इण्डियन आयल कर्पोरेशनले १५ मंसिरदेखि नयाँ मूल्य पठाएसँगै मूल्य समायोजन गरेको नेपाल आयल निमगले जनाएको छ ।
भारतबाट मूल्य बढेर आएकाले नेपाल आयल निगमले पनि पेट्रोल, डिजल र मट्टितेलमा साविकको मूल्यमा प्रति लिटर २ रूपैयाँ वृद्धि गरेको निगमका निर्देशक वीरेन्द्र गोइतले हस्ताक्षर गरेको विज्ञप्तिमा उल्लेख गरिएको छ ।
जसअनुसार पेट्रोल प्रतिलिटर एक सय ९ रूपैयाँ (काठमाडौंमा) कायम गरिएको छ । यस्तै डिजल र मट्टितेलको मूल्य प्रतिलिटर ९७ रूपैयाँ कायम गरिएको छ ।
आयल निगमले हवाई इन्धन तथा एल.पी. ग्यासको मूल्य भने यथावत कायम राखेको छ । इण्डियन आयल कर्पोरेशनबाट मूल्य बढेर आए पनि हाललाई हवाई इन्धन र ग्यासको मूल्य यथावत नै राखिएको आयल निगमले जनाएको छ ।
२०७६ मंसिर १७ गते प्रकाशित
वि.सं.२०७६ मंसिर १७ मंगलवार ०८:२७ मा प्रकाशित
