काठमाडौं । नवलपरासीको कावासोती नगरपालिकाले कृषकको भैंसीको मृत्यु भएको सिफारीस गर्दा समेत चर्को शुल्क लिएपछि स्थानीय तहको लूट थामिनसक्नु भएको जनताले गुनासो गरेका छन् ।
कावासोती १४ निवासी किसान संगीता तिमिल्सिनाको भैंसीको मृत्यु भएको सिफारीस गर्दा सो वडाले १ हजार २ सय रुपैयाँ राजश्व लिएको छ ।
मंसिर १६ गते भैंसीको मृत्यु भएपछि विमा कम्पनीका लागि सर्जमिन मुचुल्का सहितको सिफारीस गर्न उनी वडा कार्यालय पुगेकी थिएन् ।
वडाध्यक्षले नेपाल इन्स्योरेन्स, बुटवलको लागि सिफारीस गर्दा सो वडाले चर्को शुल्क लिएपछि आफू रुनु न हाँस्नुको अवस्थामा पुगेको उनको भनाई छ ।
जनतालाई गाउँमै सेवा सुविधा उपलब्ध गराउन स्थापना भएका स्थानीय तहले जनताको पिडामा समेत लूट मच्चाउन थालेपछि जनता झन मारमा परेको स्थानीयको गुनासो छ ।
२०७६ मंसिर २५ गते प्रकाशित
वि.सं.२०७६ मंसिर २५ बुधवार १०:२२ मा प्रकाशित