काठमाडौं । युनाइटेड इन्सुरेन्सको आज बिहीबार (पुस ३ गते) देखि १ लाख ५७ हजार ६४९.६० कित्ता सेयर लिलामी बिक्री खुला भएको छ ।
कम्पनीले यसअघि लिलामी गर्दा नबिकेको संस्थापक समूहको आजबाट फेरि दोहोर्याएर लिलामीमा ल्याइएको हो । यो संस्थापक समूहको सेयर सर्वसाधारणले पनि किन्न पाउनेछन् । पुस १० गतेसम्म लिलामी भर्ने म्याद छ ।
युनाइटेडले यसअघि मंसिर १० गतेबाट १ लाख ५७ हजार ६४९.६० कित्ता संस्थापक र ३ लाख ४१ हजार ५४३ कित्ता सेयर लिलामीमा बिक्री खुला गरेको थियो ।
यसमा न्यूनतम अंकित मूल्य १ सय रुपैयाँ तोकिएको छ । लगानीकर्ताले न्यूनतम १ सय रुपैयाँलाई आधार मानेर बोलकबोल गर्नुपर्छ । यसमा एनएमबि क्यापिटल, नागपोखरी काठमाडौंबाट आवेदन दिन सकिनेछ ।
त्यसैगरी, एनएमबि बैंकको झापा, जनकपुर, चितवन, बाग्लुङ, घोराही, सुर्खेत र महेनद्रनगरबाट पनि आवेदन दिन सकिनेछ । एनएमबिकै विराटनगर, वीरगञ्ज, हेटौडा, पोखरा, बुटवल, नेपालगञ्ज र धनगढी शाखाबाट पनि लिलामी सेयरमा आवेदन दिन पाइनेछ ।
२०७६ पुस ०३ गते प्रकाशित
वि.सं.२०७६ पुस ३ बिहीवार १०:३६ मा प्रकाशित