काठमाडौं । मर्जर सम्बन्धी विशेष प्रस्ताव सहित ग्रीन डेभलपमेण्ट बैंकले पुस २९ गते सातौं वार्षिक साधारण सभा बोलाएको छ ।
४०० प्रतिशत हकप्रद शेयर निष्कासन गरिसकेको यस कम्पनीले लगानीकर्ताहरुका लागि कुनै लाभांश प्रस्ताव भने गरेको छैन ।
अन्य कुनै बैंक तथा वित्तीय संस्थाहरु एक आपसमा गाभ्ने गाभिने वा प्राप्ति गर्ने प्रयोजनका लागि ग्रीनले सम्पूर्ण जिम्मेवारी सञ्चालक समितिलाई सभा मार्फत दिने भएको हो ।
सभाले गत आव २०७५/७६ को वार्षिक प्रतिवेदन पारित, चालू आवको लागि लेखापरीक्षक नियुक्ति र निजको पारिश्रमिक निर्धारण समेत गर्नेछ । साधारण सभाका लागि कम्पनीले पुस १६ गतेदेखि २९ गतेसम्म बुक क्लोज गर्ने जानकारी दिएको छ ।
२०७६ पुस ०८ गते प्रकाशित
वि.सं.२०७६ पुस ८ मंगलवार १४:३६ मा प्रकाशित
