काठमाडौं । एनएमबी बैङ्कले चार ओटा क्षेत्रलाई प्रथामिकतामा राखेर ऋण लगानी गर्ने भएको छ । बैङ्कले उर्जा, पर्यटन, कृषि र शिक्षा क्षेत्रलाई उच्च प्राथामिकतामा राखेर ऋण लगानी गर्ने भएको हो ।
‘नेपालमा यी चार ओटा क्षेत्रमा अत्यधिक सम्भावना भएकाले बैङ्कले त्यतातिर फोकस गर्न लागेको हो,’ प्रमुख कार्यकारी अधिकृत सुनिल केसीले भने, ‘यी क्षेत्रमा लगानी गर्दा देशको व्यापार घाटा कम हुने, पुँजी विदेशतिर नजाने, युवाहरु पनि स्वरोजगार हुन्छन् ।’
उनका अनुसार कुन प्रदेशमा के सम्भावना छ भनेर प्रदेश–प्रदेशमा रहेको बैङ्कका शाखाले पनि अध्ययन गरिरहेको छ । ‘प्रत्येक प्रदेशमा फरक फरक सम्भावना छन,’उनले भने, ‘पहिला ती सम्भावनाको पहिचान गरेर लगानी गरिन्छ ।’
घरेलु तथा साना उद्योगमा पनि बैङ्कले लगानी गर्ने छ । त्यसबाहेक प्राथामिकता क्षेत्रमा सबैभन्दा बढी फोकस गरेर जाने उनको भनाइ छ । बैङ्कले तय गरेका लगानीका क्षेत्रमा अहिले पनि धेर थोर लगानी भएको छ । तर, अब व्यापक रुपमा लगानी बढाउने बैङ्कले जनाएको छ ।
उर्जा : नेपालमा उर्जा अत्यन्तै सम्भावनायुक्त लगानीको क्षेत्र हो । जहा, एनएमबीले अहिले पनि व्यापक लगानी गरिरहेका छौं । उर्जामा लगानी बैङ्कहरुमध्ये हामी लिडिङ बैङ्क नै हो ।
पर्यटन : नेपाल पर्यटनका हिसाव पनि अत्यन्तै सम्भावना भएको क्षेत्र हो । सम्भावना हुँदाहुँदै पनि अझै पनि बाहिर आउन नसकेको क्षेत्र हो । यो क्षेत्रमा लगानी गर्नका लागि हामी तयारीमा जुटेका छौं ।
कृषि : नेपालमा सम्भावना भनिएको भए पनि धेरै लगानी हुन नसकेको कृषि क्षेत्रमा हामी गइरहेको छ । यो क्षेत्रमा अलि बढी जोखिम मोलेर बैङ्कले लगानी गर्ने तयारी गरेको छ ।
शिक्षा : शिक्षामा पनि एनएमबीले लगानी गर्ने सोच बनाएको छ । यो क्षेत्र पनि नेपालका लागि अत्यन्तै सम्भावना भएको तर, यसमा खासै कसैले ध्यान नदिएको पाइएकाले बैङ्कले त्यतातिर आफ्नो ध्यान केन्द्रीत गरेको हो ।
२०७६ पुस २० गते प्रकाशित
वि.सं.२०७६ पुस २० आइतवार १७:२३ मा प्रकाशित