काठमाडौं । आउँदो आइतवार अर्थात पुस २७ गते, माघ १ र २ गते सार्वजनिक विदा दिएको छ । देशका विभिन्न स्थानहरुमा सार्वजनिक विदा दिएको हो ।
नेपाल एकीकरणका अगुवा तत्कालीन गोरखाका राजा पृथ्वीनारायण शाह जन्मेको दिन पारेर गोरखाका तीन पालिकाले सार्वजनिक विदाको घोषणा गरेका छन् ।
पुस २७ गतेलाई पृथ्वीजयन्तीको रुपमा मनाउन गोरखा नगरपालिका, पालुङटार नगरपालिका र भीमसेन थापा गाउँपालिकाले सार्वजनिक बिदा घोषणा गरेका हुन् ।
सोही दिन धादिङको रूबिभ्याली गाउपालिकाले पनि सार्वजनिक विदा दिइएको छ । पृथ्वी जयन्तीको दिन सार्वजनिक बिदा दिन लागिएको गाउँपालिका प्रमुख चेरुङ तामाङले जानकारी दिनुभएको हो । गाउपालिकाको बैठकले पृथ्वी जयन्तीको दिन पर्यटन वर्ष २०२० लाई लक्षित गरी विभिन्न पर्यटकीय कार्यक्रमको आयोजना गर्न लागिएको अध्यक्ष तामाङको भनाइ छ ।
यस्तै, सोही अवसर नुवाकोटको विदुर नगरपालिकाले पनि उक्त दिन सार्वजनिक विदा दिने निर्णय गरेको छ । त्यस्तै, माघेसक्रान्तिको अवसरमा प्रदेशमा ५ मा माघ १ र २ गते सार्वजनिक विदा दिइएको छ ।
माघे संक्रान्तिको अवसरमा प्रदेश सरकारले दुईदिन बिदा दिने निर्णय गरेको हो । सोमबार बसेको मन्त्रिपरिषद बैठकका निर्णय सुनाउँदै प्रवक्ता बैजनाथ चौधरीले पुस २९ गते मुख्यमन्त्री निवासमा माघी पर्व मनाइनुका साथै २ दिन सार्वजनिक बिदा दिइएको जानकारी दिए ।
यस प्रदेश अन्तर्गत नवलपरासी बर्दघाट (सुस्ता पश्चिम), रूपन्देही, कपिलबस्तु, पाल्पा, अर्घाखाँची, गुल्मी, रूकुम (पूर्वी भाग), रोल्पा, प्यूठान, दाङ, बाँके, बर्दिया गरी बाह्र जिल्लाहरू रहेका छन ।
२०७६ पुस २४ गते प्रकाशित
वि.सं.२०७६ पुस २४ बिहीवार ०९:५९ मा प्रकाशित